چاپتەرەکێ کومەلا قوتابیێن كيميایێ یا ئەمريکی ل زانکۆیا زاخۆ هاتە ڤەکرن

Published Date: Friday, 23 August 2024, 16:44

د چارچوڤێ بهێزکرنا پەیوەندیێن زانستی لگەل سازیێن نیڤدەولەتی، پشکا کیمیایێ ل کۆلیژا زانست و ب هەولێن مامۆستایا پشکێ مامۆستا (سەمیرا شکر محمد امین) و ڕاگرا کولیژێ بەرێز (پ.هـ. د. دیار احمد بلیج)، چاپتەرەک بۆ زانکۆیا زاخۆ - کۆلیژا زانست ل کومەڵا قوتابیێن کیمیایێ یا ئەمریکی
‎‏The UOZ - American Chemical Society, (UOZ-ACS) هاتەڤەکر

"ACS"
سازیەکا ئەکادیمی یا پروفێشوناڵە هاتیە دامەزراندن ل وەلاتێ ئەمریکا ژبو خزمەتکرنا قوتابیێن بیاڤێ کیمیایێ و سەرپەرشتێن وان، مەرجێ ئێکانە بۆ ئەندامبوونێ ئەوە، کۆ ئارەزومەند بیت د بیاڤێ کیمیایێ دا و گرنگیدان پێ هەبیت، زێدەباری کیمیایێ، بیاڤێن فەلەکناسی، فیزیا، زانستێن کومپیوتەری، ئەندازیاری، جیۆلوجی، ماتماتیك و چەند بیاڤێن دیتر دشێن ببنە ئەندام د ئەڤێ کومەلێ دا.

بۆ زانین؛ هەر کەسێ ببیتە ئەندام د ئەڤێ کومەلێ دا د شیان دایە مفای ببینیت ژ خۆلێن ڕاهینانێ و پشکدار ببیت د کەمپێن هاڤینێ و پاڵپشتیا دارایی وەرگریت و ڤەکوڵینان و پرۆژێن دەرچوونێ ئەنجام بدەت و پشتەڤانیێ ژ وان وەرگریت بۆ سەرەدانێن زانستی بۆ وەلاتێ ئەمریکا هەروەسا ب ڕێکا وان پشکدار ببیت د خۆلێن زانستی دا.